امتي الانسان بيتغير؟!

[امير الظلام]

الإنسان بيتغير لسببين بس..
يا إما لما يشيل فوق طاقته،
يا إما لما يتأذي أكتر مما يستحق.

مفيش حد بيتبدل كده من فراغ،
ولا حد بيقلب شخصيته 180 درجة من غير وجع أو خذلان أو ضغط كبير خلاه يشوف الدنيا من زاوية تانية.
التحمل الكتير بيكسر حاجة جواك من غير ما تحس،
بيخليك تبطل تتكلم، تبطل تشرح، تبطل تبرر،
وتتعلم تختصر كل الكلام في "انا تمام" وانت جواك ألف وجع.

وفي نوع تاني من التغيير، اللي بييجي بعد الأذى،
لما تدي أكتر من الازم، وتتحب أقل مما تستحق،
لما تكتشف إنك كنت بتحارب لوحدك،
وإنك كنت بتدي من قلبك لناس عمرها ما حست بيك،
ساعتها التغيير بييجي غصب عنك،
مش لأنك بقيت قاسي، لأ…
لكن لأنك خدت الدرس خلاص.

الوجع بيعلم،
وبيخليك تختار بعقلك بعد ما كنت تختار بقلبك،
وبيخليك تعرف قيمة نفسك، بعد ما كنت بتقلل منها عشان ترضي غيرك.
وبيخليك تبطل تجري ورا الناس، وتبدأ تجري ورا راحتك.

اللي بيتغير بعد تعب أو وجع، مش هو اللي اتغير،
ده اللي كان جواه اتكشف.
هو نفس الشخص، بس بقى واعي أكتر،
عارف مين يستحق وجوده ومين لا.

فـ لما تلاقي حد اتبدل، متحكمش عليه،
يمكن هو مر بليالي طويلة خلت قلبه يعقل.
يمكن اتأذى لدرجة خلته يحط حدود بينه وبين كل الناس،
مش غرور… دي حماية.

الإنسان بيتغير لما يحس إن التعب بقى أكتر من التحمل،
والأذى بقى أكتر من الأمان…
وساعتها التغيير مش اختيار،
ده بيكون نجاة.​

 

[Le romance]

جميل